PULOT GATA

Para sa Ikakasal at Mag-asawa

Kung isa ka na sa sitwasiyong nasa buhay may-asawa o bago pa lang binabalak na pumasok sa pag-aasawa at magpakasal, narito ang iba’t ibang tulang pumapatungkol sa mundo ng buhay may-asawa at sa mga binabalak pa lang ito  na siyang mabubukas sayo upang makita at malaman ang mga karanasan, responsibilidad, pagmamahal at kung anu-ano pang kaugaliang dapat taglayin kapag nasa ganitong estado ka na ng inyong buhay.

Dito, mauunawaan ng bawat indibidwal na makababasa na kahit lamang sa pamamagitan ng mga tulang ito ay maipapahatid ang bawat mensaheng naglalaman ng mga karanasan gayundin ang mga paghahanda, pagkakaroon ng responsibilidad at marami pang ibang gampanin bilang mga mag-asawa tungo sa matatag, matiwasay at masayang pamilya.

Sa panahon natin ngayon, mahalaga at mayroon talagang malaking tulong ang mga ganitong uri ng likha bilang dagdag na materyales sa pangangailangan ng karamihan bilang magsilbing kaalaman at pagpapakita ng realidad ng buhay lalo’t higit ang pagmulat ng mga tulang ito sa malinaw at taos pusong mga mensahe nagtataglay ng pagiging literal, totoo at syempre, ang pagmamahalang dapat taglayin ng mag-asawa sa bawat tahanan.

Muli, kung ikaw ay isa sa mga nabanggit kanina, ano pang hinihintay mo, humanap na ng maayos at mayroong komportableng puwestong pagbabasahan, samahan mo na rin ng malawak na pag-unawa sa bawat mensaheng taglay tungo sa maayos at naka-i-inspirasiyong mga tula para sa lahat ng uri at estado mo sa buhay,