GURO

Bukod sa ating mga nanay at tatay sa tahanan, sila ang nagsibing pangalawa nating mga magulang sa loob at labas ng paaralan. Tinuruan, binigyan ng disiplina, at hinubog nila tayo bilang maging isang mabuting tao dito sa mundo. Tila wala ring anumang bagay ang makatutumbas sa kanilang sakripisyu’t serbisyo sa bawat mag-aaral na dumaan sa kanila. Sila ang ating mga magigiting na kaguruan na ang tanging hiling mabigyan tayo ng aral at matuto sa bawat leksyiong kanilang ibinabahagi sa atin. Sila ang ating mga guro na siyang makatapos man tayo sa pag-aaral, mananatili pa rin silang mga guro na naging parte ng ating pagkatuto kahit ano man ang estado natin ngayon sa buhay. Kaya’t sana, balang araw, huwag na huwag nating makalilimutan ang bawat aral at leksyon na nai-ambag nila sa atin. Naging kabahagi natin sila sa ating pakikipaglaban para sa kaniya-kaniya nating pangarap sa buhay. Lagi nating itanim sa ating mga puso’t pag-iisip na ilang taon lang man sila naging parte ng ating buhay, buong buhay naman natin iyong tatanawing utang na loob sa kanila. Dahil kundi dahil sa kanila, hindi natin mararating kung nasaan man tayo ngayon nilalakbay ng ating mga paa kasama ang kagusutuhan at pangarap natin sa buhay.