ANAK

Walang kamuwangmuwang sa mundo ng tayo ay isinilang ng ating mga magulang. Ngunit dahil sa kanilang gabay at patnubay, natuto tayo sa pasikot-sikot sa buhay at mga panahong tila ba hindi na natin sila kailangan. Hinayaan nila tayong makamit ang ating mga pangarap at gusto sa buhay, tinulungan at sinuportahan. Pinilit na makapag-aral upang makapagtapos at maipakita sa kanila na napagtagumpayan natin ang kanilang pangarap sa atin. Mahirap, pero bilang mga anak kailangan natin itong gawin at pagdaanan dahil para rin naman ito sa ating sarili. Bilang kahaya kong isa pa lang ding anak, sana hindi tayo sumuko sa hamon ng buhay. Sana pilitin natin ang ating mga sariling mapagtagumpayan ang bawat paghihirap na siyang parte ng ating paglalakbay sa buhay. Alam kong hindi madali ang lahat ng ito, pero para san pa’t darating din tayo sa dulo. Ika nga nila, malayo ka pa pero malayo ka na. Kaya’t sana tayo bilang mga anak, ‘wag tayong panghinaan ng loob at piliing sumuko na lang sa buhay, dahil malayo pa man ang ang ating pagdadaanan sa buhay, naging malayo na tayo sa simula kaya’t ituloy-tuloy na ang paglaban sa hamon ng buhay.