AMA

Naging mahigpit man ang kanilang pamamalakad sa bawat tahanan, paraan lamang nila iyon para pamanatili tayong nasa kaligtasan. Hindi man sila ganoon nagpapakita ng emosyon sa atin, hindi pa rin natin maitatanggi ang pangmamahal nila sa atin. Sila ang mga Ama o binangsagan ika nga ng haligi ng tahanan. Sila ang haligi o katuwang ng ating mga Nanay sa pag-aaruga at patuloy na pag-alalay at pagsuporta sa bawat hangad at gusto natin sa buhay. Tigasin man sila sa loob at labas ng bahay, busilak at malambot naman ang kanilang mga puso para sa atin. Sila ang ating mga Ama na laging nakabantay at nakaalalay mapa-harap at likod ng man ating buhay. Kaya’t kagaya ng ating pagmamahal sa ating mga nanay, sana’y maging ganoon din ang pagmamahal natin sa kanila. Dahil sa kanila, natuto tayong maging matibay, malakas at dapat walang sinusukuang laban sa buhay. Tinuruan nila tayong gumamit ng sandata at ang ating mga Ama ang tila nagiging panangga. At sana sa pagdating ng araw na hindi na nila kayang maging panangga, sana tayo naman ang pumalit sa kanila at ipagpatuloy lang sa laban ng buhay ang kanilang iniwang pag-uugaling minarka sa ating mga sarili.