Passport – OFW Ako, Ikinararangal ko

Sila ang ang ating mga magigiting na Pilipinong mangagagawa sa ibayong dagat o mas kilala sa bansag na OFW. Napilitang magtrabaho sa ibang bansa at iwanan ang pamilya para lamang sa mas maayos at sapat na kinikita. Doble ang hirap ng kanilang pinagdadaanan dahil ang mag-isa at malayo sa pamilya ay malaking dagok na sa kanila upang magtrabaho sa pang-araw-araw. Ngunit sa kabila ng mga ito, pinipilit pa rin nilang pagpabalikbalik sa ibang bansa dahil sa ganoong pamamaraan lamang nila nabibigyang suporta ang kanilang pamilya. Mahirap, sobrang hirap nito sa kanila. Kaya’t sana dumating yung araw na mayroon nang sapat na oportunidad sa trabaho at maayos na pa-suweldo rito sa ating bansa na siyang magiging rason upang hindi na mangibang bayan ang maraming kababayan natin. Hindi biro ang mawalay ng matagal na panahon sa kanilang pamilya sa kabila ng ng kanilang pagsusumikap at patuloy na pakikipaglaban sa ibang bayan. Sana dumating na yung araw na wala nang Pilipinong manggagawang mapipilitang lisanin ang sariling bansa para lang makapagtrabaho. At sana, dumating din yung araw na pipiliin na lang nilang makapagtrabaho sa ibang bansa hindi dahil sa kawalan ng trabaho rito sa pilipinas, bagkus sariling desisyon na lang nila at kagustuhan. Kaya’t sa huli, sana pahalagahan natin ang bawat sentimong ipinapadala ng ating ka-pamilya sa ibang bansa dahil dugo’t pawis at pangungulila ang kanilang tinitiis at nilalabanan makapagsuporta lang sa atin.